Samsung Galaxy F36
18000 രൂപയ്ക്ക് താഴെ പുതിയ ഹാൻഡ്സെറ്റ് വരുന്നു. ട്രിപ്പിൾ റിയർ ക്യാമറയുള്ള Samsung Galaxy F36 5G-യാണ് പുറത്തിറങ്ങുന്നത്. വീഗൻ ലെതർ ബാക്ക് ഫിനിഷിലാണ് പുതിയ സാംസങ് 5ജി വരുന്നതെന്ന് ടീസറിൽ കാണിച്ചിട്ടുണ്ട്.
18000 രൂപയ്ക്കും 20000 രൂപയ്ക്കും ഇടയിലുള്ള സ്മാർട്ഫോണായിരിക്കും സാംസങ് ഗാലക്സി എഫ്36. ജൂലൈ 19 ശനിയാഴ്ച ഹാൻഡ്സെറ്റ് പുറത്തിറക്കുന്നത്. ലോഞ്ചിന് ശേഷം ഫോണിന്റെ വിൽപ്പന ഫ്ലിപ്കാർട്ട് വഴിയായിരിക്കും. കഴിഞ്ഞ മാസമാണ് സാംസങ് ഗാലക്സി എം36 പുറത്തിറക്കിയത്. പ്രൈം ഡേ സെയിലിലൂടെ ഇതിന്റെ വിൽപ്പനയും ആരംഭിച്ചിരുന്നു.
ഇപ്പോഴിതാ എഐ പവേർഡ് ക്യാമറയുള്ള ഗാലക്സി F36 5ജിയും അവതരിപ്പിക്കാൻ ഒരുങ്ങുന്നു.
സാംസങ്ങിന്റെ ഗാലക്സി F36 5G 1,080×2,340 പിക്സൽ റെസല്യൂഷനുള്ള ഡിസ്പ്ലേയിലായിരിക്കും വരുന്നത്. 6.7 ഇഞ്ച് FHD+ ഇൻഫിനിറ്റി-യു സൂപ്പർ അമോലെഡ് സ്ക്രീൻ നൽകിയേക്കും. വൺ UI 7 അടിസ്ഥാനമാക്കിയുള്ള ആൻഡ്രോയിഡ് 15 ആയിരിക്കും ഇതിലെ ഒഎസ്. 6 തലമുറകൾ വരെ OS അപ്ഗ്രേഡുകളും 6 വർഷത്തെ സെക്യൂരിറ്റ് അപ്ഡേറ്റുകളും ഇതിൽ ഉറപ്പിക്കാം.
OIS സപ്പോർട്ടുള്ള 10-ബിറ്റ് HDR റെക്കോർഡിങ് സപ്പോർട്ട് ചെയ്യുന്ന ക്യാമറയാണ് ഫോണിൽ കൊടുക്കുന്നത്. ഇതിൽ ട്രിപ്പിൾ ക്യാമറയ്ക്ക് 50MP പ്രൈമറി സെൻസറുണ്ടാകും. 8MP അൾട്രാ-വൈഡ് ക്യാമറയും, 2MP മാക്രോ സെൻസറും ഫോണിൽ നൽകും. എഐ സെലക്റ്റ്, എഐ എറേസർ, ഇമേജ് ക്ലിപ്പർ പോലുള്ള ഫീച്ചറുകൾ ഗാലക്സി F36 5ജിയുടെ ക്യാമറയ്ക്കുണ്ടാകും.
ഇതിൽ 5000mAh ബാറ്ററിയാണ് കൊടുക്കുന്നത്. ഈ കരുത്തൻ ബാറ്ററി 25W ഫാസ്റ്റ് ചാർജിങ് പിന്തുണയ്ക്കുമെന്നാണ് റിപ്പോർട്ട്.
7.7mm സ്ലീക്ക് ഡിസൈനിലാണ് ഹാൻഡ്സെറ്റ് പുറത്തിറക്കുന്നത്. ഇതിലെ ഡിസൈനും മനോഹരമാണ്. രണ്ട് സ്റ്റൈലിഷ് കളറുകളിലാണ് ഗാലക്സി F36 5ജി അവതരിപ്പിക്കുന്നത്. ചുവപ്പ് കളറിലും, ഡീപ് പർപ്പിൾ കളറിലുമാണ് ഈ ഹാൻഡ്സെറ്റ് നിർമിക്കുന്നത്.
ജൂൺ 27-ന് ലോഞ്ച് ചെയ്ത സാംസങ് ഗാലക്സി M36 5ജിയുമായി ഇതിന് സാമ്യമുണ്ടാകുമെന്നാണ് റിപ്പോർട്ട്. 17,999 രൂപയായിരുന്നു ഗാലക്സി എം36 5ജിയുടെ വില. ഏകദേശം ഇതേ വിലയിലാണ് സ്റ്റൈലിഷായ ഗാലക്സി എഫ്36 ഫോണും വരുന്നത്.
Also Read: Samsung Galaxy M36 5G: 50MP ട്രിപ്പിൾ ക്യാമറ, 5000mAh ബാറ്ററി സാംസങ് ഫോൺ ഓഫർ അവസാന മണിക്കൂറിൽ…
