10001 mAh ബാറ്ററിയോ! പവർ ബാങ്കിന്റെ പവറുള്ള Realme Narzo Power 5G ഇന്ത്യയിൽ, വെറും Rs 23999 മുതൽ

സ്മാർട്ട്‌ഫോൺ വിപണിയിൽ ബാറ്ററിയിൽ കരുത്ത് കാട്ടി Realme Narzo Power 5G ഇന്ത്യയിൽ ലോഞ്ച് ചെയ്തു. സാധാരണ ഫോണുകളിലെ 5000 mAh ബാറ്ററിയേക്കാൾ ഇരട്ടി കരുത്തുള്ള ഫോണാണ് റിയൽമി അവതരിപ്പിച്ചത്. ഒരു പവർ ബാങ്കിന് തുല്യമായ 10001 mAh ബാറ്ററിയുള്ള മിഡ് റേഞ്ച് ബജറ്റ് 5ജി ഫോണാണിത്. 25000 രൂപയിലും താഴെ വിലയാകുന്ന ഫോൺ ഒരിക്കൽ ചാർജ് ചെയ്താൽ ദിവസങ്ങളോളം ചാർജിനെക്കുറിച്ച് ആകുലപ്പെടേണ്ട. 11 മണിക്കൂർ വരെ ബിജിഎംഐ കളിച്ചാലും പവറ് തീരാത്ത റിയൽമി 5ജി ഫോണിന്റെ വിലയും മറ്റ് അത്ഭുതപ്പെടുത്തുന്ന ഫീച്ചറുകളും വിശദമായി പരിശോധിക്കാം.

Realme Narzo Power 5G Battery

ബാറ്ററി കരുത്തിന്റെ സങ്കൽപ്പങ്ങൾ മാറ്റുന്ന ഫോണാണ് ഇപ്പോൾ വന്നിരിക്കുന്നത്. റിയൽമി നാർസോ പവർ 5ജിയുടെ 10,001mAh ടൈറ്റൻ ബാറ്ററിയാണ് ഉപയോഗിച്ചിരിക്കുന്നത്. ഏറ്റവും പുതിയ തലമുറ സിലിക്കൺ ആനോഡ് സാങ്കേതികവിദ്യയും 16% അൾട്രാ-ഹൈ സിലിക്കണും ആണ് ഇതിലുള്ളത്.

വെറും 219 ഗ്രാം ഭാരം നിലനിർത്തിക്കൊണ്ടാണ് ഇത്രയും വലിയ ബാറ്ററി അവതരിപ്പിച്ചത്. ഫ്ലാറ്റ് കംപ്രഷൻ, ഓവർചാർജ്, ഡ്രോപ്പ് ടെസ്റ്റുകൾ വിജയകരമായി പൂർത്തിയാക്കിയാണ് റിയൽമി ബാറ്ററി നിർമിച്ചിട്ടുള്ളത്.

റിയൽമി നാർസോ പവർ 5ജിയിൽ 80W ഫാസ്റ്റ് ചാർജിംഗിന്റെ സപ്പോർട്ട് ലഭിക്കുന്നു. വെറും 36 മിനിറ്റിനുള്ളിൽ 50% ചാർജ് പിന്തുണയുണ്ട്. ലോകത്തിലെ ഏറ്റവും വേഗതയേറിയ 27W റിവേഴ്‌സ് ചാർജിംഗും ഇതിനുണ്ട്.

144Hz അമോലെഡ് ഡിസ്‌പ്ലേ മാജിക്, മറ്റ് മികച്ച ഫീച്ചറുകൾ!

10001 mAh ബാറ്ററി കരുത്തിനൊപ്പം മികച്ച ഡിസ്പ്ലേ, ഡ്യൂറബിലിറ്റിയുള്ള ഫോണാണിത്. 144Hz റിഫ്രെഷ് റേറ്റുള്ള ഹാൻഡ്സെറ്റിന്റെ മറ്റ് ഫീച്ചറുകൾ വിശദമായി പരിശോധിക്കാം.

1. ഡിസ്പ്ലേ: 6.8 ഇഞ്ച് 1.5K AMOLED ഡിസ്പ്ലേയാണ് ഈ ഫോണിനുള്ളത്. HDR10+, 144Hz റിഫ്രഷ് റേറ്റ്, 6500 nits വരെ പീക്ക് ബ്രൈറ്റ്‌നസ് സപ്പോർട്ട് ഈ സ്ക്രീനുകളുടെ ഹൈലൈറ്റാണ്. ഇതിന് കോർണിംഗ് ഗൊറില്ല ഗ്ലാസ് 7i പ്രൊട്ടക്ഷനും ലഭിക്കുന്നു.
2. പ്രോസസർ: റിയൽമി നാർസോ പവർ 5ജിയിൽ മീഡിയടെക് ഡൈമെൻസിറ്റി 7400 അൾട്രാ ചിപ്പ് കൊടുത്തിരിക്കുന്നു. ഇത് 8 ജിബി എൽപിഡിഡിആർ 4 എക്സ് റാമും 256 ജിബി വരെ യുഎഫ്എസ് 3.1 സ്റ്റോറേജും ജോടിയാക്കിയിരിക്കുന്നു.
3. ക്യാമറ: ഡ്യുവൽ റിയർ ക്യാമറ സിസ്റ്റമാണ് റിയൽമി നാർസോ പവർ 5ജിയിലുണ്ട്. 50MP പ്രൈമറി ക്യാമറയുള്ള ഫോണാണിത്. ഇതിൽ OIS സപ്പോർട്ടുള്ള 8MP അൾട്രാ-വൈഡ് ക്യാമറയുമുണ്ട്. 4K 30 fps വരെ വീഡിയോ റെക്കോർഡിംഗ് സപ്പോർട്ട് ചെയ്യുന്ന സ്മാർട്ട്ഫോണാണിത്. സെൽഫികൾക്കായി, f/2.4 അപ്പേർച്ചറുള്ള 16MP ഫ്രണ്ട് ക്യാമറയുണ്ട്. ഇത് 1080p 30 fps വരെ വീഡിയോ റെക്കോർഡിംഗ് പിന്തുണയ്ക്കുന്നു.
4. ഡ്യൂറബിലിറ്റി: പൊടിയും വെള്ളവും പ്രതിരോധിക്കുന്നതിനാൽ ഫോണിന് IP66 + IP68 + IP69 റേറ്റിംഗുണ്ട്.
5. സോഫ്റ്റ് വെയർ: ഇത് ആൻഡ്രോയിഡ് 16-ലാണ് പ്രവർത്തിക്കുന്നത്. ഏറ്റവും പുതിയ realme UI 7.0 വേർഷൻ ഒഎസ്സാണ് ഹാൻഡ്സെറ്റിലുള്ളത്.
6. കളർ: ടൈറ്റൻ സിൽവർ, ടൈറ്റൻ ബ്ലൂ കളറുകളിലാണ് റിയൽമി നാർസോ പവർ 5G പുറത്തിറക്കിയത്.

Realme Narzo Power 5G Price in India

റിയൽമി നാർസോ പവർ 5G രണ്ട് സ്റ്റോറേജ് ഓപ്ഷനുകളിലാണ് പുറത്തിറക്കിയത്. ഇതിൽ 8 ജിബി റാമും 128 ജിബി സ്റ്റോറേജുമുള്ള ഫോണിന് 27,999 രൂപയാകുന്നു.
8 ജിബി റാമും 256 ജിബി സ്റ്റോറേജുമുള്ള റിയൽമിയ്ക്ക് 29,999 രൂപയാണ് വില. ലോഞ്ചിന് പിന്നാലെ ഫോണിന്റെ വിൽപ്പനയും ആരംഭിച്ചിട്ടുണ്ട്.

Also Read: ഐഫോണിനും സാംസങ്ങിനും പറ്റിയ പോരാളി, 200MP Telephoto ക്യാമറയുമായി Xiaomi അൾട്രാ ഫോൺ ഉടൻ

Rs 3000 Discount! ആദ്യ സെയിലിലെ ഓഫറുകൾ

റിയൽമിയുടെ ഈ കരുത്തൻ സ്മാർട്ട്ഫോൺ ഇപ്പോൾ മുതൽ ഇന്ത്യയിൽ ലഭ്യമാണ്. ഉച്ചയ്ക്ക് 12 മണി മുതൽ റിയൽമിയുടെ ഔദ്യോഗിക വെബ്‌സൈറ്റ് വഴിയും ആമസോണിലൂടെയും ഡിവൈസ് വിൽപ്പന തുടങ്ങി.

3,000 രൂപയുടെ ബാങ്ക് ഓഫറും 1,000 രൂപയുടെ ആദ്യ സെയിൽ ഓഫറും അനുവദിച്ചിട്ടുണ്ട്. ഇതിന് 4 വർഷത്തെ സൗജന്യ ബാറ്ററി വാറണ്ടിയും ഇന്നത്തെ വിൽപ്പനയിൽ ലഭ്യമാണ്. റിയൽമി നാർസോ പവർ 5ജിയ്ക്ക് 6 മാസത്തെ നോ-കോസ്റ്റ് ഇഎംഐ ഡീലും ലഭിക്കുന്നു. 4000 രൂപയുടെ ലോഞ്ച് ഓഫർ ചേർക്കുമ്പോൾ എത്രയാണ് വിലയെന്ന് നോക്കാം.

• 8GB +128GB: Rs 25999
• 8GB +256GB: Rs 23999