9000mAh പവറിൽ Snapdragon പ്രോസസറുമായി OnePlus Nord 6 എത്തി

സ്മാർട്ട്‌ഫോൺ പ്രേമികളെ ആവേശത്തിലാക്കി OnePlus Nord 6 ഇന്ത്യയിൽ ലോഞ്ച് ചെയ്തു. ഇന്ത്യയിലെ മിഡ് റേഞ്ച് പ്രീമിയം സെഗ്മെന്റിലേക്കാണ് വൺപ്ലസിന്റെ പുത്തൻ നോർഡ് മോഡൽ എത്തിയത്. 9000mAh ഭീമൻ ബാറ്ററിയും, അത്യാധുനിക Snapdragon പ്രോസസറും ചേർന്ന സ്മാർട്ട് ഫോണാണിത്.

Survey

മികച്ച ക്യാമറയും അതിവേഗ ചാർജിംഗും ഉൾപ്പെടെ വൺപ്ലസ് ആരാധകർ കാത്തിരിക്കുന്ന നിരവധി ഫീച്ചറുകൾ വൺപ്ലസ് നോർഡ് 6 ഫോണിനുണ്ട്. ഇപ്പോൾ ലോഞ്ച് ചെയ്ത വൺപ്ലസ് നോർഡ് 6-ന്റെ ഫീച്ചറുകളും ഇന്ത്യയിലെ വിലയും പരിശോധിക്കാം.

OnePlus Nord 6 India Price

വൺപ്ലസ് നോർഡ് 6 ഫോണിന്റെ ഇന്ത്യയിലെ വില ആരംഭിച്ചു. 38000 രൂപ വിലയിലുള്ള സ്മാർട്ട്ഫോണാണ് വൺപ്ലസ് 5ജി.

8GB+256GB ഇന്റേണൽ സ്റ്റോറേജുള്ള ബേസിക് വേരിയന്റിന്റെ വില 38,999 രൂപയാണ്. 12GB+ 256GB സ്റ്റോറേജുള്ള ബേസ് വേരിയന്റിന് 41,999 രൂപയാകുന്നു.

സ്മാർട്ട് ഫോണിന്റെ വിൽപ്പന ആരംഭിക്കുന്നത് ഏപ്രിൽ 9 നാണ്. ചില ബാങ്ക് കാർഡ് ഉപയോഗിച്ച് സ്മാർട്ട് ഫോണിന് 3,000 രൂപ ബാങ്ക് കിഴിവ് ലഭ്യമാണ്. ആമസോൺ, വൺപ്ലസ് ഇ-സ്റ്റോർ, ഔദ്യോഗിക റീട്ടെയിൽ ചാനലുകളിലൂടെ വൺപ്ലസ് നോർഡ് 6 വാങ്ങിക്കാം.

വൺപ്ലസ് നോർഡ് 6 സവിശേഷതകൾ

ലോഞ്ചിന് മുന്നേ വൺപ്ലസ് സ്മാർട്ട് ഫോണിന്റെ ബാറ്ററിയെ കുറിച്ച് വലിയ ഹൈപ്പുകൾ വന്നിരുന്നു. 9000mAh ഭീമൻ സെല്ലാണ് വൺപ്ലസ് നോർഡ് 6 ഫോണിലുള്ളത്. ഫോണിന്റെ ഡിസ്പ്ലേ, ക്യാമറ, പ്രോസസർ, ബാറ്ററി തുടങ്ങിയ ഫീച്ചറുകൾ പരിശോധിക്കാം.

1. ഡിസ്പ്ലേ: വൺപ്ലസ് നോർഡ് 6 ഫോണിൽ 6.79 ഇഞ്ച് 1.5K AMOLED ഡിസ്‌പ്ലേയുണ്ട്. ഇതിന് 165Hz റിഫ്രഷ് റേറ്റ് സപ്പോർട്ട്, 3600 നിറ്റ്സ് പീക്ക് ബ്രൈറ്റ്‌നസ് സപ്പോർട്ടുമുണ്ട്.
2. ക്യാമറ: ക്യാമറയിലേക്ക് വന്നാൽ ഫോണിൽ ഡ്യുവൽ റിയർ സെൻസറാണുള്ളത്. ഇതിൽ 50 മെഗാപിക്സൽ സോണി LYTIA-600 പ്രൈമറി സെൻസറുണ്ട്. ഫോണിന് സെക്കൻഡറി ക്യാമറയായി 8-മെഗാപിക്സൽ അൾട്രാ-വൈഡ് സെൻസർ കൊടുത്തിരിക്കുന്നു.
3. പ്രോസസർ: അഡ്രിനോ 825 ജിപിയുമായി ബന്ധിപ്പിച്ചിട്ടുള്ള സ്നാപ്ഡ്രാഗൺ പ്രോസസർ ഇതിലുണ്ട്. എൽപിഡിഡിആർ 5എക്സ് റാം സപ്പോർട്ടുള്ള ക്വാൽകോം സ്‌നാപ്ഡ്രാഗൺ 8എസ് ജെൻ 4 പ്രൊസസർ വേർഷനാണ് ഫോണിലുള്ളത്.
4. ബാറ്ററി: ഈ വൺപ്ലസ് ഫോണിൽ 9,000 mAh സിലിക്കൺ-കാർബൺ ബാറ്ററിയാണ് കൊടുത്തിട്ടുള്ളത്. ഇത് 80W വയർഡ് ഫാസ്റ്റ് ചാർജിംഗ് പിന്തുണയ്ക്കുന്നു. ചൂട് കുറയ്ക്കുന്നതിന് ബൈപാസ് ചാർജിംഗും, 27W റിവേഴ്‌സ് വയർഡ് ചാർജിംഗും ഫോൺ സപ്പോർട്ട് ചെയ്യുന്നു.
5. സോഫ്റ്റ് വെയർ: ആൻഡ്രോയിഡ് 16 അടിസ്ഥാനമാക്കിയുള്ള ഓക്സിജൻ ഒഎസ് 16 ആണ് സ്മാർട്ട് ഫോണിലുള്ളത്. ഇത് നാല് ആൻഡ്രോയിഡ് ഒഎസ് അപ്‌ഗ്രേഡുകളും ആറ് വർഷത്തെ സെക്യൂരിറ്റി പാച്ചുകളും കമ്പനി ഓഫർ ചെയ്യുന്നു.
6. ഡ്യൂറബിലിറ്റി: ക്വാഡ് ഐപി റേറ്റിങ്ങുള്ളതിനാൽ കേരളത്തിലെ കാലാവസ്ഥയ്ക്ക് അനുയോജ്യമായ ഡ്യൂറബിലിറ്റി ഫോണിനുണ്ട്. IP66, IP68, IP69, IP69K റേറ്റിങ്ങുള്ള ഫോണാണിത്. ഈ വൺപ്ലസ് നോർഡ് 6 ഫോണിൽ MIL-STD-810H മിലിട്ടറി-ഗ്രേഡ് സർട്ടിഫിക്കേഷനുണ്ട്.

Anju M U

Anju M U specializes in mobile technology, AI, and consumer gadgets at Digit Malayalam. With over 6 years of experience, she simplifies complex telecom and OTT updates into actionable insights for the Malayalam news community. View Full Profile