Google പിക്സൽ 9 പ്രോയിൽ നൽകുന്നത് 22 New ഫീച്ചറുകൾ! കോളിങ്ങും ക്യാമറയും ജെമിനി AI സപ്പോർട്ടും

Google Pixel 9 സീരീസുകൾ ഓഗസ്റ്റ് 13-ന് ലോഞ്ച് ചെയ്യും. പിക്സൽ 9 പ്രോയും പിക്സൽ 9 പ്രോ ഫോൾഡും സീരീസിലുണ്ട്. ഗൂഗിളിന്റെ ഫോൾഡ് ഫോൺ വരുന്നതിൽ ആകാംക്ഷയിലാണ് സ്മാർട്ഫോൺ പ്രേമികൾ. എന്നാൽ ഏറ്റവും പുതിയതായി ഗൂഗിൾ പുറത്തുവിട്ട ഒരു അപ്ഡേറ്റാണ് ചർച്ചയാകുന്നത്.

വരാനിരിക്കുന്ന പിക്‌സൽ 9 പ്രോ വാങ്ങിയാലുള്ള നേട്ടങ്ങൾ കമ്പനി എണ്ണിപ്പറയുന്നു. നിങ്ങളുടെ പഴയ ഫോൺ ഉപേക്ഷിച്ച് ഫോൺ വാങ്ങിയാൽ 22 പുതിയ ഫീച്ചറുകൾ ലഭിക്കും.

Google Pixel 9 Pro

Google Pixel 9 Pro-യിലെ പുതിയ 22 ഫീച്ചറുകൾ നോക്കാം. യൂട്യൂബിലൂടെ പങ്കുവച്ച പ്രോമോ വീഡിയോയിലാണ് ഫോൺ ഫീച്ചറുകൾ അവതരിപ്പിച്ചത്.

ഗൂഗിളിന്റെ സ്വന്തം Gemini AI ഫീച്ചർ ഇതിലുണ്ട്. ഗൂഗിൾ എല്ലാ പിക്സൽ 9 സീരീസ് ഫോണുകളിലും പുതിയ ടെൻസർ G4 ചിപ്‌സെറ്റ് ഉൾപ്പെടുത്തിയേക്കും. ജെമിനി അഡ്വാൻസ്‌ഡ് ഫീച്ചർ നൽകാൻ ഇത് സഹായിക്കും. ദൈനംദിന പ്രവർത്തനങ്ങൾക്കും ഫോട്ടോഗ്രാഫിയ്ക്കും പിക്സൽ 9 പ്രോയിൽ ഫീച്ചറുകളുണ്ടാകും.

Google Pixel 9 Pro പുതിയ ഫീച്ചറുകൾ

ഒന്നും രണ്ടുമല്ല പിക്സൽ 9 പ്രോ ഫോണിലെ പുതിയ ഫീച്ചറുകൾ. 22 പുതിയ അപ്ഡേറ്റുകളാണ് ഗൂഗിൾ അവതരിപ്പിക്കുക. ക്യാമറയിലും കോളിങ്ങിലും സ്ക്രീൻഷോട്ടിലുമെല്ലാം പുതിയ ഫീച്ചറുകളുണ്ടാകും.

ക്യാമറയിലെ പുതിയ 22 ഫീച്ചറുകൾ

• ഫോട്ടോഗ്രാഫിയിൽ ബെസ്റ്റ് ടേക്ക് ഫീച്ചർ ഗൂഗിൾ അവതരിപ്പിക്കുന്നു.
• മാജിക് ഇറേസർ കൊണ്ട് ശരിയല്ലാത്ത ഫോട്ടോസ് എഡിറ്റ് ചെയ്യാം.
• ഫോട്ടോബോംബറുകൾക്കും മാജിക് ഇറേസർ ഉപയോഗിക്കാം.
• മങ്ങിയ/ ബ്ലർ ഗൂഗിൾ ഫോട്ടോകൾ വ്യക്തതയുള്ളതാക്കാം.
• ഇമേജ് ജനറേഷൻ ഫീച്ചറിലൂടെ പ്രകൃതിഭംഗി കൂട്ടിച്ചേർക്കാം.
• വീഡിയോഗ്രാഫിയിൽ മികച്ച സൂം ഫീച്ചറുകൾ അവതരിപ്പിക്കുന്നു.
• ഫോട്ടോ എടുക്കാൻ അപരിചിതരോട് അഭ്യർഥിക്കേണ്ടതില്ല.
• കൂടുതൽ ആളുകളെ ഫോട്ടോയിൽ ചേർക്കാൻ മാജിക് എഡിറ്റർ ഫീച്ചർ.

സ്ക്രീൻഷോട്ടിലെ പുതിയ ഫീച്ചറുകൾ

കൂട്ടുകാർ നിർദേശിച്ച റെസ്റ്റോറന്റും സിനിമയുമൊക്കെ മറന്നാലും പ്രശ്നമില്ല. ഗൂഗിൾ സ്ക്രീൻഷോട്ട് നിങ്ങളെ എഐ ഫീച്ചറുകളിലൂടെ സഹായിക്കും.

ഗൂഗിൾ ജെമിനി

• ഇമെയിലുകൾ കുന്നുകൂടിയാൽ കുറച്ച് സമയം കൊണ്ട് അതെല്ലാം വായിക്കാം.
• ആസ്ക് ദിസ് വീഡിയോ ഫീച്ചറിലൂടെ ഉത്തരങ്ങൾ സ്‌ക്രബ് ചെയ്ത് കണ്ടെത്താം.
• ഹെൽപ് മീ റൈറ്റ് ഫീച്ചറിലൂടെ ബ്ലോഗ് എഴുതാം.
• ജെമിനി ഇമേജ് ജനറേഷൻ മീം ഉണ്ടാക്കാൻ സഹായിക്കും.

കോളുകളിലെ ഗൂഗിൾ അപ്ഡേറ്റ്

ഹോൾഡ് ഫോർ മീ ഫീച്ചറിലൂടെ മണിക്കൂറുകളിലധികം കോൾ ചെയ്യാം. ക്ലിയർ കോളിങ് ഫീച്ചർ മറുവശത്ത് ആര് ഫോൺ ചെയ്യുന്നു എന്ന് ദൃശ്യമാക്കില്ല. കോൾ സ്‌ക്രീൻ സംവിധാനവും ഗൂഗിൾ പിക്സൽ 9 പ്രോയിലുണ്ടാകും.

Also Read: OnePlus Nord 4 5G: Snapdragon പ്രോസസറും, Sony ക്യാമറയും! Pre Booking-ൽ വമ്പൻ Discount ഓഫറുകളും

മറ്റുള്ള പുതിയ ഫീച്ചറുകൾ

ലൈവ് ട്രാൻസ്ലേഷൻ, ആപ്പിളിൽ RCS സപ്പോർട്ടിനായി ഗേറ്റ് കൂപ്പിങ് എന്നിവ ലഭിക്കും.