സംസ്ഥാനത്ത് ഇന്ന് സ്വർണവിലയിൽ (Today's gold price) വർധനവ്. കഴിഞ്ഞ ദിവസം 120 രൂപ കുറഞ്ഞ സ്വർണവില ഇന്ന് ഇരട്ടിക്ക് കുതിച്ചുകയറുകയായിരുന്നു. ഇന്ന് ഒരു പവൻ സ്വർണത്തിന് 480 രൂപ വർധിച്ചതോടെ വിപണി വില 44240 രൂപയായി.
ഈ മാസത്തെ ഏറ്റവും ഉയർന്ന വിലയാണ് ഇത്. ഒരു ഗ്രാം 22 കാരറ്റ് സ്വർണത്തിന് 60 രൂപ വർധിച്ച്, വിപണി വില 5530 രൂപയായി. ഒരു ഗ്രാം 18 കാരറ്റ് സ്വർണത്തിനാകട്ടെ 50 രൂപ കൂടി വിപണി വില 4595 രൂപയുമായി.
ഇന്ന് വെള്ളി വില(Silver price)യും വർധിച്ചു. ഇന്ന് ഒരു രൂപയാണ് വെള്ളിയ്ക്ക് വർധിച്ചത്. ഇതോടെ ഒരു ഗ്രാം സാധാരണ വെള്ളിയുടെ വില 78 രൂപയിലെത്തി. എന്നാൽ ഹാൾമാർക്ക് വെള്ളിയുടെ വിലയിൽ മാറ്റമില്ലാത്തതിനാൽ 90 രൂപയിൽ തന്നെ തുടരുന്നു.