വെനസ്വേല ഭൂകമ്പം എത്തും മുമ്പ് Google Alert എത്തിയോ? ഫോണിലൂടെ മുന്നറിയിപ്പ് നൽകിയതെങ്ങനെ?
Follow Us
വെനസ്വേലയിൽ ഭൂകമ്പത്തിന് മുന്നോടിയായി ചില Android ഉപയോക്താക്കൾക്ക് Google Alert ലഭിച്ചതായി റിപ്പോർട്ടുകൾ. ഗൂഗിളിന്റെ Android Earthquake Alerts System ഭൂകമ്പ തരംഗങ്ങൾ തിരിച്ചറിഞ്ഞ് മുന്നറിയിപ്പ് നൽകിയെന്നാണ് വാർത്തകളിൽ പറയുന്നത്. ആൻഡ്രോയിഡ് ഫോണുകളിലെ ആക്സിലറോമീറ്റർ സെൻസറുകൾ ശേഖരിക്കുന്ന വിവരങ്ങളാണ് ഇതിനായി ഉപയോഗിക്കുന്നത്.
Surveyഗൂഗിൾ അലേർട്ട് സിസ്റ്റത്തിലൂടെ ആയിരക്കണക്കിന് വെനസ്വേലക്കാരുടെ ജീവൻ രക്ഷിച്ചു എന്ന് പോസ്റ്റ് പ്രചരിച്ചിരുന്നു. എന്നാൽ ഈ അവകാശവാദം നിലവിൽ സ്ഥിരീകരിക്കാൻ സാധിച്ചിട്ടില്ല. വെനസ്വേലിയർക്ക് ഗൂഗിളിന്റെ മുന്നറിയിപ്പ് എങ്ങനെ, എപ്പോൾ ലഭിച്ചെന്നും അലർട്ടിന് പിന്നിലുള്ള സാങ്കേതികവിദ്യയെ കുറിച്ചും അറിയാം.
Google Alert on Venezuela Earthquake
നിരവധി ഫോണുകളിൽ നിന്നുള്ള ചലന ഡാറ്റ വിശകലനം ചെയ്ത് ഭൂകമ്പത്തിന്റെ സ്ഥാനം, തീവ്രത എന്നിവ കണക്കാക്കുന്ന സാങ്കേതികവിദ്യയാണിത്. എന്നാൽ ഇത് ഭൂകമ്പം മുൻകൂട്ടി പ്രവചിക്കുന്ന സംവിധാനം അല്ലെന്നത് ശ്രദ്ധിക്കുക. ഭൂകമ്പം ആരംഭിച്ചതിന് ശേഷം കുറച്ച് സെക്കൻഡ് നേരത്തെ മുന്നറിയിപ്പ് നൽകുന്ന ഗൂഗിൾ സംവിധാനമാണ്. രക്ഷപ്പെടാനുള്ള ചെറിയ സമയമായിട്ടുള്ള മുന്നറിയിപ്പാണിത്.
ഭൂകമ്പത്തിൽ ആദ്യം വരുന്ന പി വേവ് എന്ന(കുറഞ്ഞ അപകടകാരിയായ തരംഗത്തെയാണ് ഫോൺ സെൻസറുകൾ ആദ്യം തിരിച്ചറിയാൻ ശ്രമിക്കുന്നത്. പിന്നീട് കൂടുതൽ ശക്തമായ S-wave വരും മുമ്പ് ഗൂഗിൾ അലർട്ട് നൽകുന്നു. വെനസ്വേലയിൽ ആദ്യ തരംഗമുണ്ടാകുമ്പോൾ ഗൂഗിൾ മുന്നറിയിപ്പ് നൽകിയതായാണ് റിപ്പോർട്ട് പറയുന്നത്.
Also Read: Motorola Edge 50 Neo വാങ്ങാൻ പറ്റിയ സമയം; വില 20,000 രൂപയിൽ താഴെ
വെനിസ്വേലയുടെ വടക്കൻ തീരത്ത് ഏകദേശം ഒരു മിനിറ്റിനുള്ളിൽ രണ്ട് വലിയ ഭൂകമ്പങ്ങളുണ്ടായി. യുഎസ് ജിയോളജിക്കൽ സർവേ അതിന്റെ PAGER സിസ്റ്റം വഴി രണ്ട് റെഡ് അലേർട്ടുകൾ പുറപ്പെടുവിച്ചിരുന്നു. ഗൂഗിൾ അലേർട്ടിലൂടെ വെനസ്വേല ഭൂകമ്പത്തിന് തൊട്ടുമുന്നേ എത്ര പേർക്ക് അലർട്ട് ലഭിച്ചു, അതിലൂടെ എത്ര പേർക്ക് സഹായമായി എന്ന വിവരങ്ങൾ ഇനിയും വ്യക്തമല്ല.
Android Alert System: എങ്ങനെ പ്രവർത്തിക്കുന്നു?
ലോകത്തിന്റെ വിവിധ ഭാഗങ്ങളിൽ വ്യത്യസ്ത രീതിയിലാണ് ആൻഡ്രോയിഡിൽ ഈ മുന്നറിയിപ്പ് സംവിധാനം പ്രവർത്തിക്കുന്നത്. അമേരിക്കയിലെ കാലിഫോർണിയ, വാഷിംഗ്ടൺ, ഒറിഗൺ എന്നിവിടങ്ങളിൽ hakeAlert നെറ്റ്വർക്ക് ഉപയോഗിച്ചാണ് ഭൂകമ്പം കണ്ടെത്തുന്നത്. ഇതിനായി പ്രത്യേക seismic സെൻസറുകൾ ഉപയോഗിക്കുന്നു.
വെനസ്വേല ഉൾപ്പെടെ മറ്റ് രാജ്യങ്ങളിൽ, സംവിധാനം പൂർണ്ണമായും ഫോൺ സെൻസറുകളെ ആശ്രയിച്ചാണ് പ്രവർത്തിക്കുന്നത്. ആൻഡ്രോയിഡിലെ accelerometer സെൻസർ ഭൂകമ്പത്തിന്റേത് പോലുള്ള തരംഗങ്ങളെ തിരിച്ചറിയുന്നു. ഒരു പ്രദേശത്ത് നിരവധി ഫോണുകൾ ഒരേ സമയം സമാനമായ കുലുക്കം തിരിച്ചറിഞ്ഞാൽ ഇത് ഗൂഗിൾ ഭൂകമ്പമായി കണക്കാക്കും. നേരിയ കുലുക്കം ആണെങ്കിൽ ജാഗരൂകരാകാൻ നിർദേശിക്കുന്നു. ആഘാതം കൂടുതലാണെങ്കിൽ ശബ്ദവും അലർട്ടും നൽകി ഉടൻ സുരക്ഷിതസ്ഥാനം കണ്ടെത്താൻ അറിയിപ്പ് നൽകും.
2021 മുതൽ ഈ സംവിധാനം ഏകദേശം 100 രാജ്യങ്ങളിൽ പ്രകൃതിദുരന്ത മുന്നറിയിപ്പ് നൽകാനായി പ്രവർത്തിക്കുന്നു. ഫിലിപ്പീൻസ്, നേപ്പാൾ, തുർക്കി എന്നിവിടങ്ങളിലെ ഭൂകമ്പങ്ങളിൽ 8 മുതൽ 60 സെക്കൻഡ് വരെ മുൻകൂട്ടി അലർട്ടുകൾ നൽകാൻ ഗൂഗിളിന് സാധിച്ചിട്ടുണ്ട്.
