Facebook, Instagram Down! ഫീഡ് ലോഡ് ആകുന്നില്ല, ലോഗിൻ പ്രശ്നം
Follow Us
Facebook, Instagram Down: ലോകമെമ്പാടുമുള്ള ദശലക്ഷക്കണക്കിന് സോഷ്യൽ മീഡിയ ഉപയോക്താക്കളെ ആശങ്കയിലാഴ്ത്തിക്കൊണ്ട് മെറ്റയുടെ ഫേസ്ബുക്കും ഇൻസ്റ്റഗ്രാമും പണിമുടക്കി! രണ്ട് ആപ്പുകളിലും ആളുകൾ ലോഗിൻ ചെയ്യുന്നതിലും ഫീഡുകൾ ലോഡ് ചെയ്യുന്നതിലും പ്രശ്നം നേരിട്ടു. ഇന്ത്യൻ സമയം വൈകുന്നേരം 7 മണിയോടെയാണ് പ്രശ്നം ആരംഭിച്ചതെന്ന് റിപ്പോർട്ട്. ഔട്ടേജ്-ട്രാക്കിംഗ് വെബ്സൈറ്റ് ഡൗൺഡിറ്റക്ടറിലും എക്സിലും പരക്കെ പരാതി ഉയരുന്നു.
SurveyFacebook, Instagram Down: എന്താണ് ശരിക്കും പ്രശ്നം?
ആപ്ലിക്കേഷനിൽ പോസ്റ്റുകളോ റീൽസുകളോ ലോഡ് ആകുന്നില്ല. പലർക്കും ലോഗിൻ പ്രശ്നവും നേരിട്ടു. ഈ തടസ്സം ഒരു പ്രത്യേക പ്രദേശത്ത് മാത്രമായി പരിമിതപ്പെടുന്നില്ല എന്ന് ഉപയോക്തൃ റിപ്പോർട്ടുകൾ പറയുന്നു. ഒന്നിലധികം രാജ്യങ്ങളിൽ നിന്നുള്ള ആളുകൾ ഏകദേശം ഒരേ സമയം സമാനമായ പ്രശ്നങ്ങൾ റിപ്പോർട്ട് ചെയ്തിരിക്കുന്നു. ഇന്ത്യയിൽ, നിരവധി നഗരങ്ങളിൽ നിന്നുള്ള ഉപയോക്താക്കളും മെറ്റാ ഉടമസ്ഥതയിലുള്ള പ്ലാറ്റ്ഫോമുകൾ ഉപയോഗിക്കുമ്പോൾ ബുദ്ധിമുട്ടുകൾ നേരിടുന്നുണ്ടെന്ന് റിപ്പോർട്ടുകളുണ്ട്.
സാങ്കേതിക തകരാറിന്റെ കൃത്യമായ കാരണമെന്തെന്നതിൽ മെറ്റയുടെ ഭാഗത്ത് നിന്ന് ഇനിയും വിവരം ലഭിച്ചിട്ടില്ല. ഇപ്പോൾ നേരിടുന്ന തകരാർ എപ്പോൾ പരിഹരിക്കുമെന്നും കമ്പനി അറിയിച്ചിട്ടില്ല. എന്നാൽ ഈ പ്രശ്നം എല്ലാവരെയും ഒരേ രീതിയിലല്ല ബാധിച്ചിട്ടുള്ളത്. ചില ഉപയോക്താക്കൾക്ക് ആപ്ലിക്കേഷനിലേക്ക് കേറാനെ സാധിക്കുന്നില്ല. മറ്റ് ചിലർക്ക് ഇൻസ്റ്റയിലും ഫേസ്ബുക്കിലും കണ്ടന്റ് ലോഡുചെയ്യുന്നതിനോ ടൈംലൈനുകൾ പുതുക്കുന്നതിനോ ബുദ്ധിമുട്ടുണ്ടാകുന്നു. മെറ്റയുടെ ബാക്കെൻഡ് സിസ്റ്റത്തിലാകാം തകരാറെന്നാണ് പല ഉപയോക്താക്കളും എക്സിലും ഡൌൺ ഡിറ്റക്ടറിലും വഴി സംശയം ഉന്നയിക്കുന്നത്.
ഇതാദ്യമായല്ല ഇൻസ്റ്റയിലും ഫേസ്ബുക്കിലും സാങ്കേതിക തകരാർ നേരിടുന്നത്. ഇത്തരത്തിൽ പ്രശ്നങ്ങൾ വന്നാൽ സാധാരണ മണിക്കൂറുകൾക്കകം തന്നെ മെറ്റ അത് പരിഹരിക്കാറുണ്ട്. ഏകദേശം 41 കോടി മുതൽ 54 കോടി വരെ ഏകദേശം 60 മുതൽ 70 കോടി ജനങ്ങളാണ് ഇന്ത്യയിലെ ഫേസ്ബുക്ക് ഉപയോക്താക്കൾ.
