New OTT Release: ഈ വാരം Turbo മുതൽ തൃഷ- ഇന്ദ്രജിത്ത് സുകുമാരൻ Thriller സീരീസ് വരെ
മലയാളത്തിലും തമിഴിലും New OTT Release ഈ വാരമെത്തും. മെഗാസ്റ്റാറിന്റെ Turbo മുതൽ മികവുറ്റ വെബ് സീരീസുകൾ വരെ ഓഗസ്റ്റ് ആദ്യ വാരത്തിലെത്തുന്നു. മാരിവില്ലിൻ ഗോപുരങ്ങൾ, നടന്ന സംഭവം തുടങ്ങിയ മലയാള ചിത്രങ്ങൾ ഒടിടിയിലെത്തുന്നു.
ആമസോൺ പ്രൈം, സോണി ലിവ്, തുടങ്ങിയ പ്രമുഖ പ്ലാറ്റ്ഫോമുകളിൽ റിലീസുണ്ട്. സീ5, മനോരമ മാക്സ് ഒടിടികളിലും സിനിമകൾ റിലീസിന് ഒരുങ്ങുന്നു. മലയാളത്തിലെ ഏതെല്ലാം ചിത്രങ്ങളാണ് New OTT Release-ന് തയ്യാറെടുക്കുന്നതെന്ന് നോക്കാം.
Turbo ഈ വാരത്തെ ഒടിടി റിലീസിലെ പ്രധാന ചിത്രമാണ്. വൈശാഖ് സംവിധാനം ചെയ്ത മെഗാസ്റ്റാർ ചിത്രമാണിത്. മിഥുൻ മാനുവൽ തോമസാണ് ആക്ഷൻ ചിത്രത്തിന് തിരക്കഥ ഒരുക്കിയത്. കന്നഡ താരം രാജ് ബി ഷെട്ടി, അഞ്ജന ജയപ്രകാശ് എന്നിവർ മറ്റ് പ്രധാന താരങ്ങളാണ്.
മെയ് 23-ന് ചിത്രം തിയേറ്ററുകളിൽ റിലീസ് ചെയ്തിരുന്നു. ഇനി ഒടിടിയിൽ സോണി ലിവ് വഴി സിനിമ കാണാം. ഓഗസ്റ്റ് 9 മുതലാണ് ചിത്രത്തിന്റെ സ്ട്രീമിങ്.
മെയ് മാസം റിലീസ് ചെയ്ത ചിത്രമാണ് മാരിവില്ലിൻ ഗോപുരങ്ങൾ. ഇന്ദ്രജിത്ത്, വിൻസി, ശ്രുതി രാമചന്ദ്രൻ എന്നിവരാണ് പ്രധാന താരങ്ങൾ. വിദ്യാസാഗർ സംഗീതവും അരുൺ ബോസ് സംവിധാനവും നിർവഹിച്ചിരിക്കുന്നു. സൗഹൃദവും പ്രണയവും കുടുംബവുമെല്ലാം സിനിമയുടെ കഥാപശ്ചാത്തലമാകുന്നു.
സോണിലിവിലൂടയാണ് മാരിവില്ലിൻ ഗോപുരങ്ങൾ റിലീസിന് എത്തുന്നത്. ഈ വാരം തന്നെ സിനിമയുടെ ഒടിടി റിലീസ് പ്രതീക്ഷിക്കാം. ഔദ്യോഗികമായി ഒടിടി റിലീസ് തീയതി അറിയിച്ചിട്ടില്ല.
ബിജു മേനോൻ- സുരാജ് വെഞ്ഞാറമൂട് ചിത്രമാണ് Nadanna Sambhavam. ശ്രുതി രാമചന്ദ്രൻ, ലിജോമോൾ എന്നിവരാണ് മറ്റ് പ്രധാന താരങ്ങൾ. നടന്ന സംഭവം ജൂൺ 21ന് തിയേറ്ററുകളിൽ റിലീസ് ചെയ്തു.
വിഷ്ണു നാരായണനാണ് നടന്ന സംഭവം സംവിധാനം ചെയ്തിരിക്കുന്നു. ഓഗസ്റ്റ് 9 മുതൽ സിനിമ സ്ട്രീമിങ് ആരംഭിക്കും. മനോരമ മാക്സിലാണ് നടന്ന സംഭവം റിലീസിന് എത്തുന്നത്.
തൃഷയും ഇന്ദ്രജിത്ത് സുകുമാരനും കേന്ദ്ര കഥാപാതങ്ങളായ സീരീസും റിലീസിന് ഒരുങ്ങുന്നു. സൂര്യ മനോജ് വംഗല രചനയും സംവിധാനവും നിർവഹിച്ച ത്രില്ലർ സീരീസാണിത്. തെലുങ്ക്, തമിഴ്, കന്നഡ, ഭാഷകളിലെല്ലാം ബൃന്ദ റീലീസ് ചെയ്യുന്നു. മറാത്തി, ബംഗാളി, ഹിന്ദി ഭാഷകളിലും സ്ട്രീം ചെയ്യുന്നുണ്ട്.
സോണി ലിവ് വഴിയാണ് തൃഷയുടെ ആദ്യ ഒടിടി സീരീസ് റിലീസിനെത്തുക. ഓഗസ്റ്റ് 2 മുതൽ സീരീസിന്റെ സ്ട്രീമിങ് ആരംഭിക്കും.
