jio 84 days affordable recharge plan with 1 5gb per day data price
ಜಿಯೋ ಹತ್ತನೇ ವಾರ್ಷಿಕೋತ್ಸವದ (Jio 10th Anniversary) ಪ್ರಯುಕ್ತ ತನ್ನ ತನ್ನ 3,599 ರೂ.ಗಳ ವಾರ್ಷಿಕ ಪ್ರಿಪೇಯ್ಡ್ ಯೋಜನೆಗೆ ಮೆಗಾ ವಾರ್ಷಿಕೋತ್ಸವದ ಕೊಡುಗೆ ಘೋಷಿಸಿದೆ. ಈ ಆಫರ್‌ನಲ್ಲಿ ಗ್ರಾಹಕರಿಗೆ 120GB ಹೆಚ್ಚುವರಿ ಡೇಟಾ ಮತ್ತು 12 JioTV Pro ಪ್ಯಾಕ್ ವೋಚರ್‌ಗಳು ಸಿಗಲಿವೆ. ಇದರೊಂದಿಗೆ ಯೋಜನೆಯ ಸಾಮಾನ್ಯ ವಾಯ್ಸ್ ಕರೆ, ಡೇಟಾ, ಮನರಂಜನೆ, ಕ್ಲೌಡ್ ಸ್ಟೋರೇಜ್ ಹಾಗೂ AI ಸಂಬಂಧಿತ ಪ್ರಯೋಜನಗಳೂ ಸಹ ಲಭ್ಯವಿವೆ. ಹಾಗಾದರೆ ಜಿಯೋದ ಈ ಕೊಡುಗೆಯ ಕುರಿತು ಇನ್ನಷ್ಟು ಮಾಹಿತಿ ಮುಂದೆ ತಿಳಿಯೋಣ.
Also Read : 6,000mAh ಬ್ಯಾಟರಿ ಸೌಲಭ್ಯ ಇರುವ Vivo T4 Lite 5G ಬೆಲೆಯಲ್ಲಿ ಭಾರೀ ಡಿಸ್ಕೌಂಟ್‌
ಜಿಯೋದ ಈ ವಾರ್ಷಿಕ ಯೋಜನೆಯ 365 ದಿನಗಳ ವ್ಯಾಲಿಡಿಟಿ ಸೌಲಭ್ಯ ಪಡೆದಿದೆ. ಇದರೊಂದಿಗೆ ಪ್ರತಿದಿನ 2.5GB ಡೇಟಾ ಸಿಗುತ್ತದೆ. ಪೂರ್ಣ ವ್ಯಾಲಿಡಿಟಿ ಅವಧಿಯಲ್ಲಿ ಒಟ್ಟು 912.5GB ಡೇಟಾ ಬಳಕೆಗೆ ಲಭ್ಯವಾಗುತ್ತದೆ. ಇದರೊಂದಿಗೆ ಅನಿಯಮಿತ ವಾಯ್ಸ್ ಕಾಲಿಂಗ್ ಮತ್ತು ಪ್ರತಿದಿನ 100 SMS ಸೌಲಭ್ಯವೂ ದೊರೆಯುತ್ತದೆ. ಹಾಗೆಯೇ ಇದರೊಂದಿಗೆ JioTV ಹಾಗೂ JioAICloud ಚಂದಾದಾರಿಕೆಯ ಪ್ರಯೋಜನ ಸಹ ಲಭ್ಯವಾಗಲಿದೆ.
ಜಿಯೋದ ಮೆಗಾ ವಾರ್ಷಿಕೋತ್ಸವದ ಕೊಡುಗೆಯ ಪ್ರಮುಖ ಆಕರ್ಷಣೆ 120GB ಹೆಚ್ಚುವರಿ ಡೇಟಾ. ಈ ಡೇಟಾವನ್ನು 12 ತಿಂಗಳ ಅವಧಿಯಲ್ಲಿ ಪ್ರತಿ ತಿಂಗಳು 10GB ಬೋನಸ್ ಡೇಟಾ ರೂಪದಲ್ಲಿ ನೀಡಲಾಗುತ್ತದೆ. ಹೀಗಾಗಿ ಯೋಜನೆಯಲ್ಲಿರುವ 912.5GB ಸಾಮಾನ್ಯ ಡೇಟಾ ಮತ್ತು 120GB ಹೆಚ್ಚುವರಿ ಡೇಟಾವನ್ನು ಸೇರಿಸಿದರೆ, ಗ್ರಾಹಕರು ಒಂದು ವರ್ಷದಲ್ಲಿ ಒಟ್ಟು 1,032.5GB ವರೆಗೆ ಡೇಟಾ ಪಡೆಯಬಹುದು.
ಜಿಯೋದ ಮೆಗಾ ವಾರ್ಷಿಕೋತ್ಸವದ ಕೊಡುಗೆಯಲ್ಲಿ 12 JioTV Pro ಪ್ಯಾಕ್ ವೋಚರ್‌ಗಳನ್ನೂ ನೀಡಲಾಗುತ್ತಿದೆ. ಪ್ರತಿ ವೋಚರ್‌ನ ಮೌಲ್ಯ 55 ರೂ.ಗಳು ಆಗಿದೆ. JioTV Pro ಮೂಲಕ ಗ್ರಾಹಕರು 1,000ಕ್ಕೂ ಹೆಚ್ಚು ಟಿವಿ ಚಾನೆಲ್‌ಗಳನ್ನು ವೀಕ್ಷಿಸುವ ಅವಕಾಶ ಪಡೆಯುತ್ತಾರೆ.
ಜಿಯೋದ 3,599 ರೂ.ಗಳ ರೀಚಾರ್ಜ್‌ನ ಮತ್ತೊಂದು ಪ್ರಯೋಜನವೆಂದರೆ JioHotstar Mobile + Hollywood ಚಂದಾದಾರಿಕೆ. ಈ ಸೌಲಭ್ಯವನ್ನು ಬಳಸಲು ಗ್ರಾಹಕರು ರೀಚಾರ್ಜ್ ಸಕ್ರಿಯಗೊಳಿಸಿದ ಅದೇ ಜಿಯೋ ಮೊಬೈಲ್ ಸಂಖ್ಯೆಯ ಮೂಲಕ JioHotstarಗೆ ಲಾಗಿನ್ ಮಾಡಬೇಕು. ಹಾಗೆಯೇ ಈ ಯೋಜನೆಯಡಿ ಗ್ರಾಹಕರಿಗೆ JioAICloud ಮೂಲಕ 50GB ಉಚಿತ ಕ್ಲೌಡ್ ಸ್ಟೋರೇಜ್ ಕೂಡ ದೊರೆಯುತ್ತದೆ.