ಜನಪ್ರಿಯ ಇ ಕಾಮರ್ಸ್ ಫ್ಲಿಪ್ಕಾರ್ಟ್ ತನ್ನ ಬಹುನಿರೀಕ್ಷಿತ GOAT Sale ಅನ್ನು ಇದೇ ಜುಲೈ 4 ರಿಂದ ಪ್ರಾರಂಭಿಸುವುದಾಗಿ ಅಧಿಕೃತವಾಗಿ ಘೋಷಿಸಿದೆ. ಈ ವಿಶೇಷ ಮಾರಾಟದಲ್ಲಿ ರಿಯಲ್ಮಿ, ಮೊಟೊರೊಲಾ, ಗೂಗಲ್ ಸೇರಿದಂತೆ ಹಲವು ಜನಪ್ರಿಯ ಬ್ರ್ಯಾಂಡ್ಗಳ ಸ್ಮಾರ್ಟ್ಫೋನ್ಗಳು ಆಕರ್ಷಕ ರಿಯಾಯಿತಿ ದರದಲ್ಲಿ ಲಭ್ಯವಾಗಲಿವೆ. ಕೆಲವು ಮಾದರಿಗಳ ಮೇಲೆ ಭಾರೀ ಬೆಲೆ ಇಳಿಕೆ ದೊರೆಯುವ ಸಾಧ್ಯತೆ ಇದ್ದು, ಗ್ರಾಹಕರು ತಮ್ಮ ನೆಚ್ಚಿನ ಸ್ಮಾರ್ಟ್ಫೋನ್ಗಳನ್ನು ಕಡಿಮೆ ಬೆಲೆಯಲ್ಲಿ ಖರೀದಿಸಬಹುದಾಗಿದೆ. ಅಂದಹಾಗೆ ಅಮೆಜಾನ್ನ Prime Day ಸೇಲ್ ಕೂಡ ಇದೇ ಜುಲೈ 4 ರಂದು ಶುರುವಾಗುತ್ತದೆ. ಹೀಗಾಗಿ ಗ್ರಾಹಕರಿಗೆ ಎರಡು ಪ್ರಮುಖ ಇ-ಕಾಮರ್ಸ್ ತಾಣಗಳಲ್ಲಿ ಉತ್ತಮ ಆಫರ್ಗಳನ್ನು ಆಯ್ಕೆ ಮಾಡುವ ಅವಕಾಶ ಸಿಗಲಿದೆ. ಈ ಬಗ್ಗೆ ಇನ್ನಷ್ಟು ಮಾಹಿತಿ ಮುಂದೆ ತಿಳಿಯೋಣ.
Also Read : Jio ಸಂಸ್ಥೆಯ ಈ ಪೋಸ್ಟ್ಪೇಯ್ಡ್ ಪ್ಲಾನ್ನಲ್ಲಿ ಭರ್ಜರಿ ಡೇಟಾ ಜೊತೆಗೆ ನೆಟ್ಫ್ಲಿಕ್ಸ್ ಸೌಲಭ್ಯ
ಫ್ಲಿಪ್ಕಾರ್ಟ್ ಪ್ಲಸ್ ಸದಸ್ಯರಿಗೆ ಗೋಟ್ ಸೇಲ್ ಶುರುವಾಗುವ 24 ಗಂಟೆಗಳ ಮುಂಚಿತ ಪ್ರವೇಶ (Early Access) ಲಭ್ಯವಾಗುತ್ತದೆ. ಸಾಮಾನ್ಯ ಗ್ರಾಹಕರು ಜುಲೈ 4 ರಿಂದ ಸೇಲ್ನಲ್ಲಿ ಖರೀದಿ ಮಾಡಬಹುದು. ಈ ಸೇಲ್ ಅವಧಿಯಲ್ಲಿ ಗ್ರಾಹಕರು ಆಕರ್ಷಕ ಎಕ್ಸ್ಚೇಂಜ್ ಆಫರ್ಗಳು, ನೋ-ಕಾಸ್ಟ್ EMI ಆಯ್ಕೆಗಳು, ಬ್ಯಾಂಕ್ ರಿಯಾಯಿತಿಗಳು, ಹೆಚ್ಚುವರಿ ಕ್ಯಾಶ್ಬ್ಯಾಕ್ ಸೌಲಭ್ಯಗಳನ್ನು ಪಡೆಯಬಹುದು. ಅಲ್ಲದೇ ಆಕ್ಸಿಸ್ ಬ್ಯಾಂಕ್ ಮತ್ತು HDFC ಬ್ಯಾಂಕ್ ಕ್ರೆಡಿಟ್ ಕಾರ್ಡ್ಗಳ ಮೂಲಕ ಖರೀದಿ ಮಾಡಿದ ಗ್ರಾಹಕರಿಗೆ ಆಯ್ದ ಉತ್ಪನ್ನಗಳ ಮೇಲೆ ಹೆಚ್ಚುವರಿ ರಿಯಾಯಿತಿ ಸಿಗಲಿದೆ. ಹೀಗಾಗಿ ಹೊಸ ಸ್ಮಾರ್ಟ್ಫೋನ್ ಅಥವಾ ಇತರ ಗ್ಯಾಜೆಟ್ಗಳನ್ನು ಖರೀದಿಸಲು ಯೋಜಿಸುತ್ತಿರುವವರಿಗೆ ಫ್ಲಿಪ್ಕಾರ್ಟ್ ಗೋಟ್ ಸೇಲ್ ಉತ್ತಮ ವೇದಿಕೆ.
ಮುಂಬರುವ ಫ್ಲಿಪ್ಕಾರ್ಟ್ ಗೋಟ್ ಸೇಲ್ನಲ್ಲಿ ಮೊಟೊರೊಲಾ ಕಂಪನಿಯ ಮೊಟೊರೊಲಾ ಎಡ್ಜ್ 70 ಫ್ಯೂಷನ್ ಫೋನ್ ಕೇವಲ 26,999 ರೂ.ಗಳ ಆರಂಭಿಕ ಬೆಲೆಯಲ್ಲಿ ಲಭ್ಯವಿರುತ್ತದೆ. ಇದನ್ನು ಇತ್ತೀಚೆಗೆ ಭಾರತೀಯ ಮಾರುಕಟ್ಟೆಯಲ್ಲಿ 42,999 ರೂ.ಗಳ ಆರಂಭಿಕ ಬೆಲೆಗೆ ಬಿಡುಗಡೆ ಮಾಡಲಾಯಿತು.
ಈ ಮಧ್ಯಮ ಶ್ರೇಣಿಯ ರಿಯಲ್ಮಿ P4 ಲೈಟ್ 5G ಫೋನ್ ಫ್ಲಿಪ್ಕಾರ್ಟ್ ಮಾರಾಟದ ಸಮಯದಲ್ಲಿ 14,999 ರೂ.ಗಳ ಆರಂಭಿಕ ಬೆಲೆಗೆ ಲಭ್ಯವಿರುತ್ತದೆ. ಇದರ ನಿಯಮಿತ ಬೆಲೆ 28,999 ರೂ.ಗಳು ಆಗಿದೆ. ಅಂದರೆ ಗ್ರಾಹಕರು ಇದನ್ನು ಸುಮಾರು ಅರ್ಧದಷ್ಟು ಬೆಲೆಗೆ ಖರೀದಿಸಬಹುದು.
ಒಪ್ಪೋ ಮೊಬೈಲ್ ಕಂಪನಿಯ ಒಪ್ಪೋ K14 5G ಫೋನ್ ಫ್ಲಿಪ್ಕಾರ್ಟ್ ಮಾರಾಟದ ಸಮಯದಲ್ಲಿ 17,999 ರೂ.ಗಳ ಆರಂಭಿಕ ಬೆಲೆಗೆ ಲಭ್ಯವಿರುತ್ತದೆ. ಫೋನ್ನ ಮೂಲ ಬೆಲೆ 25,999 ರೂ.ಗಳು ಆಗಿದೆ. ಹೀಗಾಗಿ ಭಾರೀ ರಿಯಾಯಿತಿಯೊಂದಿಗೆ ಖರೀದಿಸಲು ಅತ್ಯುತ್ತಮ ಸಮಯ.
ಸರ್ಚ್ ಇಂಜಿನ್ ದೈತ್ಯ ಗೂಗಲ್ ಕಂಪನಿಯ ಗೂಗಲ್ ಪಿಕ್ಸಲ್ 10 ಫೋನ್ ಅನ್ನು ಮೂಲತಃ 79,999 ರೂ.ಗಳ ಬೆಲೆಗೆ ಬಿಡುಗಡೆ ಮಾಡಲಾಯಿತು. ನೀವು ಈ ಪ್ರಮುಖ ಡಿವೈಸ್ ಅನ್ನು ಫ್ಲಿಪ್ಕಾರ್ಟ್ ಸೇಲ್ ಸಮಯದಲ್ಲಿ 57,999 ರೂ.ಗಳ ಆರಂಭಿಕ ಬೆಲೆಗೆ ಖರೀದಿಸಬಹುದು. ಬೊಂಬಾಟ್ ಉಳಿತಾಯ ಆಗಲಿದೆ.
ನಥಿಂಗ್ ಫೋನ್ 4a ಫೋನ್ ಮುಂಬರುವ ಫ್ಲಿಪ್ಕಾರ್ಟ್ ಮಾರಾಟದ ಸಮಯದಲ್ಲಿ 34,199 ರೂ.ಗಳ ಆರಂಭಿಕ ಬೆಲೆಗೆ ಲಭ್ಯವಿರುತ್ತದೆ. ಫೋನ್ನ ಮೂಲ ಬೆಲೆ 40,999 ರೂ.ಗಳು ಆಗಿದ್ದು, ಸುಮಾರು 6,800 ರೂ.ಗಳ ರಿಯಾಯಿತಿ ಪಡೆಯಬಹುದಾಗಿದೆ.