मायक्रोमॅक्स कॅनवास टॅब P680 Review

मायक्रोमॅक्स कॅनवास टॅब P680 detailed review

डिझाईन आणि रचना

ह्या टॅबला पहिल्यांदा पाहताच हा आपल्याला नेक्सस जुन्या व्हर्जनप्रमाणे वाटेल. ह्यात समोरील बाजूस बटनसुद्धा दिले गेले नाही. ह्याच्या डिस्प्लेला काळ्या बॉर्डरने कव्हर केले गेले आहे, ज्याने ह्याची डिस्प्ले खूप लहान वाटते आणि आपण असे अनेक टॅबलेट्समध्ये पाहिले असेल. समोरच्या बाजूस डिस्प्लेच्या वर फ्रंट फेसिंग कॅमेरा आणि एअरपीस दिला गेला आहे. ह्याच्या मागील बाजूस प्लॅस्टिकने कव्हर केले गेले आहे, मात्र ह्याची फिनिश गनमोटलसारखी आहे. मायक्रोमॅक्स कॅनवास टॅब P680 मध्ये मागील बाजूस दोन स्पीकर  ग्रील्स दिले गेले आहे. ह्याच्या मागील बाजूस LED फ्लॅशसह एक कॅमेरा दिला गेला आहे. त्याच्या मागील बाजूचा वरचा भाग काढून टाकला जाऊ शकतो आणि तेथे आपल्याला सिम कार्ड स्लॉट्स आणि मायक्रो-SD कार्ड स्लॉट पाहायला मिळतील. ह्या टॅबमध्ये दोन सिम कार्ड स्लॉट्स दिले गेले आहे, ज्यात एक पुर्ण सिम कार्ड स्लॉट आणि दुसरा मायक्रो-सिम कार्ड स्लॉट आहे.

चला तर मग आता ह्याच्या वजनाविषयी बोलूयात, मायक्रोमॅक्स कॅनवास टॅब P680 चे वजन थोडे जड वाटेल. मला टॅबलेटवर पुस्तके वाचण्याचा छंद आहे, मात्र ह्या टॅबलेटवर मला हे काम खूप कष्टदायक वाटले.

एकूणच ह्याचे डिझाईन खूप चांगले आहे. मात्र ह्याचे थोडे जास्तच आहे.

डिस्प्ले आणि यूआय

ह्या टॅबलेटमध्ये ८ इंचाची IPS डिस्प्ले दिली गेली आहे, ज्याचे रिझोल्युशन 1280x800 पिक्सेल आहे. ह्याचे व्हूविंग अँगल्स खूप चांगले आहेत आणि ह्यावर व्हिडियो पाहण्याचा अनुभवही खूप चांगला आहे. ह्याचे स्पीकर्स काही उत्कृष्ट आवाज देत नाहीत, त्यामुळे व्हिडियो पाहण्याचा चांगला अनुभव घ्यायचा असेल तर, आपण हेडफोन्सचा वापर करावा.

चला आता ह्याच्या युआयविषयी बोलूयात. हा टॅबलेट इतर टॅबलेट्ससारखा अॅनड्रॉईड ऑपरेटिंग सिस्टमवर चालतो. ह्यात अॅनड्रॉईडचा 5.0.1 व्हर्जन दिला गेला आहे.

मायक्रोमॅक्स कॅनवास टॅब P680 अनेक प्री-लोडेड अॅप्ससह येतो.

ह्यात एक ‘ट्रेडिंग अॅप्स’अॅप आहे, जेथे आपल्याला एकाच जागेवर ट्विटर, स्नॅपडील, सावन यांसारखे अॅप्स मिळतात.

ह्या टॅबची डिस्प्ले खूप चांगली आहे, मात्र  ह्याचा ऑडियो चांगला नाही. ह्याचा युआयसुद्धा ठीक आहे. मात्र आपण प्री-लोडेड अॅप्सना जरुर हटवू इच्छिणार.

कामगिरी

ह्या टॅबलेटला थोडा जास्त वेळ वापरल्यावर आपल्याला ह्यातील उणीवा दिसण्यास सुरुवात होईल. मी जेव्हा ह्यावर गेम्स खेळले, तेव्हा हा फोन चांगला चालत होता, मात्र थोड्या वेळाने जेव्हा मी ह्यावर काही साइट्स ओपन केल्या तेव्हा ह्याची कामगिरी खूप कमी झाल्याचे दिसून आले.

मी ह्यावर अनेक व्हिडियो पाहिेले आणि मला खूप चांगले वाटले आणि हेडफोन्ससह व्हिडियो पाहण्याचा अनुभवही खूप चांगला होता.

चला आता ह्याच्या तपशीलाविषयी बोलूयात. ह्यात 8 इंचाची IPS डिस्प्ले दिली गेली आहे. ह्यात 1.3GHz मिडियाटेक प्रोसेसर आणि 1GB ची रॅम दिली गेली आहे. टॅबलेटमध्ये 16GB चे अंतर्गत स्टोरेज दिले गेले आहे, ज्याला मायक्रो-एसडी कार्डच्या मदतीने 32GB पर्यंत वाढवू शकतो. ह्यात 5 मेगापिक्सेल रियर कॅमेरा आणि २ मेगापिक्सेलचा फ्रंट फेसिंग कॅमेरा दिला गेला आहे. हा 4000mAh च्या बॅटरीने सुसज्ज आहे. रोजच्या वापरासाठी ह्यात 1GB ची रॅम दिली गेली आहे, ज्यामुळे मल्टीटास्किंग करण्यात थोड्या अडचणी येतात. ह्यावर टायपिंग करणेसुसद्धा सोपे आहे.

कॅमेरा

ह्यात ५ मेगापिक्सेलचा रियर कॅमेरा आणि 2 मेगापिक्सेलचा फ्रंट फेसिंग कॅमेरा दिला गेला आहे. ह्याचा कॅमेरा सर्वसाधारण कामगिरी करतो.

Micromax Cnavas Tab P680 camera samples

कॉल्स

मी कधीही टॅबलेटचा वापर कॉल करण्यासाठी करत नाही. ह्या टॅबलेटची कॉल गुणवत्ता चांगली आहे.

बॅटरी

आमच्या बॅटरी चाचणीत आम्ही ह्या टॅबलेटवर व्हिडियो चालवून पाहिली आणि जवळपास ५ तास सलग ह्यावर व्हिडियो पाहिले, जे की मायक्रोमॅक्सच्या दाव्यापेक्षाही जास्त आहे.

निष्कर्ष

मायक्रोमॅक्स कॅनवास टॅब P680 ची तुलना आपण शाओमी Mi पॅडशी केली, तर ह्याची किंमत १३,००० रुपये आहे आणि बरीच चांगली कामगिरी करतो. Mi पॅड NVIDIA टेग्रा K1, 2GB रॅम आणि 16GB च्या अंतर्गत स्टोरेजने सुसज्ज आहे. ह्यात 7 इंचाची डिस्प्ले दिली गेली आहे, ज्याचे रिझोल्युशन 2048x1536 पिक्सेल आहे. त्यामुळे जर तुम्ही तुमचे बजेट ३ हजारापर्यंत वाढवले तर हा एक चांगला पर्याय आहे.