Amazfit Zepp E സ്മാർട്ട് വാച്ചിന് സ്റ്റൈലിഷ് 3D കർവ്ഡ് ബെസൽ-ലെസ് ഡിസൈനും 326 ppi റെസല്യൂഷനോട് കൂടിയ 1.28 ഇഞ്ച് വൃത്താകൃതിയിലുള്ള AMOLED ഡിസ്‌പ്ലേയുമുണ്ട്. കമ്പനിയുടെ ഔദ്യോഗിക വെബ്‌സൈറ്റിലും ആമസോണിലും 6,999 രൂപയ്ക്ക് ഇപ്പോൾ വാങ്ങാം.

Amazfit GTR 2 സ്മാർട്ട് വാച്ചിൽ 3D Curved Bezel-less ഡിസൈനും ഒരു വലിയ 1.39-ഇഞ്ച് ഹൈ-ഡെഫനിഷൻ AMOLED ഡിസ്‌പ്ലേയുമുണ്ട്. 14 ദിവസം വരെ ബാറ്ററി ലൈഫ് വാഗ്ദാനം ചെയ്യുന്നു. 471 mAh ബാറ്ററിയാണ് ഇത് നൽകുന്നത്. ആമസോണിൽ 12,800 രൂപയ്ക്കും ഔദ്യോഗിക വെബ്‌സൈറ്റിൽ 12,999 രൂപയ്ക്കും വാങ്ങാം.

Realme Watch Sന് 1.3 ഇഞ്ച് റൗണ്ട് ഓട്ടോ-ബ്രൈറ്റ്‌നെസ് സ്‌ക്രീനുണ്ട്. കൂടാതെ 16 സ്‌പോർട്‌സ് മോഡുകൾ, ബ്ലഡ് ഓക്‌സിജൻ, സ്ലീപ്പ് മോണിറ്ററിങ്, 15 ദിവസത്തെ ബാറ്ററി ലൈഫ് എന്നിവ വാഗ്ദാനം ചെയ്യുന്നു. കറുപ്പ് നിറത്തിൽ വർണ്ണാഭമായ ലിക്വിഡ് സിലിക്കൺ സ്ട്രാപ്പുകളോട് കൂടിയ ഈ വാച്ച് 4,499 രൂപയ്ക്ക് വാങ്ങാം.

സാംസങ് ഗാലക്‌സി വാച്ച് 5ന് 1.4 ഇഞ്ച് സൂപ്പർ അമോലെഡ് ഡിസ്‌പ്ലേയാണുള്ളത്. ഹൃദയമിടിപ്പ് നിരീക്ഷണം ഉൾപ്പെടെ വിവിധ സെൻസറുകൾ ഇതിൽ വരുന്നു. ഇത് ബ്ലൂടൂത്ത് സപ്പോർട്ട് ചെയ്യുന്നതും, വാട്ടർ റെസിസ്റ്റന്റുമാണ്. കൂടാതെ 40 മണിക്കൂർ ലൈഫും വയർലെസ് ചാർജിങ്ങുമുള്ള 410 mAh Li-ion ബാറ്ററി ഫീച്ചർ ഇതിൽ വരുന്നു. ഔദ്യോഗിക വെബ്‌സൈറ്റിലും ആമസോണിലും 30,999 രൂപയ്ക്കും, ക്രോമയിൽ 27,999 രൂപയ്ക്കും ലഭ്യമാണ്.

ഗാർമിൻ മാർക്യു 2 അത്‌ലറ്റ് 1.2 ഇഞ്ച് അമോലെഡ് ഡിസ്‌പ്ലേയുള്ള വാച്ചാണ്. വിവിധ ആരോഗ്യ നിരീക്ഷണ ഓപ്ഷനുകൾക്കും ജിമ്മും ആക്‌റ്റിവിറ്റി ട്രാക്കിങ്ങും പോലുള്ളവയ്ക്കും ഉപയോഗിക്കാം. 10 ATM വാട്ടർ റെസിസ്റ്റൻസ്, 16 ദിവസം വരെ ബാറ്ററി ലൈഫ്, ബ്ലൂടൂത്ത് സപ്പോർട്ട് എന്നിവയാണ് മറ്റ് ഫീച്ചറുകൾ. ഉയർന്ന നിലവാരമുള്ള സ്മാർട്ട് വാച്ച് ഓഫ്‌ലൈൻ സ്റ്റോറുകളിൽ 1,53,990 രൂപയ്ക്ക് ലഭ്യമാണ്.