Qualcomm Snapdragon, മീഡിയാടെക് ഡൈമൻസിറ്റി പ്രോസസറാണ് ഈ വിവോ സ്മാർട്ഫോണിലുള്ളത്
Vivo Y31, Vivo Y31 Pro എന്നീ ഹാൻഡ്സെറ്റുകളാണ് കമ്പനി അവതരിപ്പിച്ചത്
വിവോ വൈ സീരീസിലെ പ്രോ വേരിയന്റിന് 18999 രൂപ മുതലും വിലയാകുന്നു
അങ്ങനെ ബജറ്റ് കസ്റ്റമേഴ്സിനായി വിവോയുടെ പുത്തൻ ഫോണുകളെത്തി. Vivo Y31, Vivo Y31 Pro എന്നീ ഹാൻഡ്സെറ്റുകളാണ് കമ്പനി അവതരിപ്പിച്ചത്. Qualcomm Snapdragon, മീഡിയാടെക് ഡൈമൻസിറ്റി പ്രോസസറാണ് ഈ വിവോ സ്മാർട്ഫോണിലുള്ളത്. 14999 രൂപ മുതലാണ് ഇതിന്റെ വില ആരംഭിക്കുന്നത്. വിവോ വൈ സീരീസിലെ പ്രോ വേരിയന്റിന് 18999 രൂപ മുതലും വിലയാകുന്നു.
SurveyVivo Y31: 5 പ്രത്യേകതകൾ
ഡിസ്പ്ലേ: 6.68-ഇഞ്ച് LCD ഡിസ്പ്ലേയാണ് വിവോ വൈ31 ഫോണിന് തരുന്നത്. 1608×720 റെസല്യൂഷനും 1000nits ബ്രൈറ്റ്നെസ്സും ഇതിനുണ്ട്. ഈ ഫോണിന് ഡിസ്പ്ലേയിൽ 120Hz റിഫ്രെഷ് റേറ്റുമുണ്ട്.
പ്രോസസർ: ഇതിൽ ക്വാൽകോമിന്റെ സ്നാപ്ഡ്രാഗൺ 4 ജെൻ 2 പ്രോസസറാണ് ഉൾപ്പെടുത്തിയിട്ടുള്ളത്.
ക്യാമറ: ഈ വിവോ സ്മാർട്ഫോണിൽ 50MP പ്രൈമറി ക്യാമറയുണ്ട്. ഇതിൽ ഫ്രണ്ട് ക്യാമറ 8MP ആണ്.
ബാറ്ററി: ഹാൻഡ്സെറ്റിൽ 6500mAh ബാറ്ററിയും സജ്ജീകരിച്ചിരിക്കുന്നു. ഇത്രയും പവർഫുൾ ബാറ്ററിയിലൂടെ 44W വയർഡ് ചാർജിങ് സപ്പോർട്ടും നേടാം.
ഈ നാല് ഫീച്ചറുകളും ഒപ്പം സ്മാർട്ഫോണിന്റെ വിലയുമാണ് വിവോ വൈ31-ന്റെ പ്രധാന 5 ഫീച്ചറുകൾ.
ആൻഡ്രോയിഡ് 15 അടിസ്ഥാനമാക്കിയുള്ള ഫൺടച്ച് ഒഎസ് 15 ആണ് ഫോണിലെ സോഫ്റ്റ് വെയർ. ഇത് പൊടിയും വെള്ളവും പ്രതിരോധിക്കുന്നതിനാൽ IP68, IP69 റേറ്റിങ്ങിലുണ്ട്.
ഈ ബേസിക് വേരിയന്റിന്റെ വില അറിയണ്ടേ? 4GB+ 128GB ഫോണിന് 14,999 രൂപയാകുന്നു. 6GB+ 128GB സ്റ്റോറേജ് ഹാൻഡ്സെറ്റിന് 16,499 രൂപയുമാകും.
വിവോ Y31 Pro: 5 പ്രത്യേകതകൾ
ഡിസ്പ്ലേ: 6.72-ഇഞ്ച് LCD ഡിസ്പ്ലേയാണ് വിവോ വൈ31 പ്രോയ്ക്കുള്ളത്. ഇതിന്റെ സ്ക്രീനിന് 2408×1080 റെസല്യൂഷനുണ്ട്. ഫോണിന്റെ ഡിസ്പ്ലേയ്ക്ക് 1050nits പീക്ക് ബ്രൈറ്റ്നെസ്സുണ്ട്. ഇതിന് 120Hz റിഫ്രെഷ് റേറ്റുമുണ്ട്.
പ്രോസസർ: ബേസിക് വേരിയന്റിലുള്ള സ്നാപ്ഡ്രാഗൺ 4 ജെൻ 2 പ്രോസസറിനേക്കാൾ ഈ പ്രോ വേരിയന്റിലെ പ്രോസസർ മികച്ചതാണ്. ഫോണിൽ മീഡിയടെക് ഡൈമെൻസിറ്റി 7300 ചിപ്പാണ് നൽകിയിട്ടുള്ളത്. ജിപിയു, കണക്റ്റിവിറ്റി, പ്രോസസ് ടെക്നോളജി പോലുള്ള ഫീച്ചറുകളും വിവോ വൈ31 പ്രോയിലെ മീഡിയാടെക്കിന് സാധിക്കുന്നു.
ക്യാമറ: 50MP പ്രൈമറി സെൻസറും 2MP ഡെപ്ത് സെൻസറും ഈ ഫോണിലുണ്ട്. ഇതിൽ മുൻവശത്തുള്ളത് 8MP ക്യാമറയാണ്.
ബാറ്ററി: 6500mAh പവറുള്ള ബാറ്ററിയും ഈ വിവോ വൈ31 പ്രോയിലുണ്ട്. 44W വയർഡ് ചാർജിങ് സപ്പോർട്ട് ഇതിൽ ലഭിക്കുന്നു. ക്യാമറ, ഡിസ്പ്ലേ, പ്രോസസർ, ഡ്യൂറബിലിറ്റി എന്നിവയാണ് ഫോണിന്റെ പ്രധാന സവിശേഷതകൾ.
IP68, IP69 റേറ്റിങ്ങിലൂടെ ഡ്യൂറബിലിറ്റിയിലും ഫോൺ മികച്ചതാണെന്ന് തെളിയിച്ചിരിക്കുന്നു. വിവോ വൈ31 പ്രോയിൽ ആൻഡ്രോയിഡ് 15-അധിഷ്ഠിതമായ FunTouchOS 15 സോഫ്റ്റ് വെയറും കൊടുത്തിരിക്കുന്നു.
വില: 8GB റാമും 128GB സ്റ്റോറേജുമുള്ള ഫോണിന് 18,999 രൂപയാണ് വില. 8GB റാമും 256GB സ്റ്റോറേജുമുള്ള ഹാൻഡ്സെറ്റിന് 20,999 രൂപയുമാകുന്നു. വിവോ ഇ പ്ലാറ്റ്ഫോമിലും ഫ്ലിപ്കാർട്ടിലും സ്മാർട്ഫോൺ ഇപ്പോൾ ലഭ്യമാണ്. 1500 രൂപ ബാങ്ക് ഓഫറോടെ ഇത് പർച്ചേസ് ചെയ്യാം.
Follow Us
Anju M U
Anju M U, an aspirational technology writer at Digit Malayalam. Covering updates on gadgets, telecom, ott, AI-related content, tech trends and reviews. View Full Profile
